Roynir semju við Wick í grindamálinum

Jógvan Skorheim, borgarstjóri í Klaksvíkar kommunu, ger nú aftur eina roynd at varðveita vinarbýarsambandið við skotska býin Wick.

Í næstu viku fer býráðið í Wick at taka endaliga støðu til, um býurin skal slíta vinarbýarsambandið við Klaksvík.

Í summar boðaði Gail Ross, borgarstjóri í Wick, Klaksvíkar kommunu frá, at hon kann ikki góðtaka, at føroyingar drepa grind. Hon sendi tí Jógvani Skorheim bræv um, at Klaksvík er í vanda fyri at missa Wick sum vinarbý.

Jógvan Skorheim heldur, at frægast er at royna semjuleistin, men eitt mark er kortini.