Aðalstjóri viðgjørdi kæru um svágin

Aðalstjórin í Mentamálaráðnum viðgjørdi kæruna frá starvsfólkum á Søvnum Landsins um stjóran, bæði fyri og eftir at ráðið metti seg vera ógegnigt at viðgera hana.

Ein frásøgn frá fundi 27. januar vísir, at Mentamálaráðið royndi at fáa partarnar at tosa seg til sættis, áðrenn Mentamálaráðið metti seg vera ógegnigt í fráboðan til løgmann góðar tvær vikur seinni, tann 11. februar.

Hesin fundurin undraði eisini Snorra Fjalsbak, leiðara á Lønadeildini, tá málið endaði á borðinum hjá honum í Fíggjarmálaráðnum.