Latið ikki fiskiloyvini á privatar hendur

Sigurjón Tórðarson, fyrrverandi altingslimur, var millum áhoyrararnar á fiskivinnuráðstevnuni í gjár.

Hann er lívfrøðingur og stjóri á heilsufrøðiligu starvsstovuni í Íslandi.

Sigurjón Tórðarson sigur, at skipanin við søguligum rættindum, har fiskiloyvini enda á privatum hondum, hava lagt bygdir í Íslandi í oyði.

Tey, sum fingu rættindini, hava selt tey til stórar fyritøkur, sum hava nógvan pening og gott samband við bankarnar, sigur hann.