- Óheppið at Trump stuðlar Putin heldur enn Obama

31.12.2016 - 12:53

Innlendis

Aksel V. Johannesen, løgmaður undrast á, at Donald Trump stuðlar Vladimir Putin heldur enn Obama í diplomatiska stríðnum millum USA og Russland

Brynhild Thomsen

Aktivera javascript

Aksel V. Johannesen, løgmaður samanber støðuna við, um ein komandi løgmaður, áðrenn hann hevði tikið við, fór alment út og tók frástøðu frá sitandi løgmanni í einum stríði við tildømis ES

Fyrrverandi løgmaður Kaj Leo Holm Johannesen letur á facebook ongan iva vera um, at hann heldur, at Barack Obama forseti er óbúgvin á altjóða pallinum.
Hann skrivar soleiðis:

- Vóni, at Trump fer at uppføra seg meira búgvið á altjóðapallinum enn sitandi forseti hevur gjørt, og so at útvísa 35 russiskar diplomatar, beint áðrenn stungið verður í sekkin, er bæði fjákut og óbúgvið.

Kaj Leo Holm Johannesen leggur afturat:

- Vóni, at Trump broytir hesa avgerð beinanveg, og (eri, red.) samdur við Putin, tá hann sigur, at hann ikki vil fara niður á køksdiplomati og bíðar eftir, hvat Trump fer at gera.

Báðir tinglimirnir úr Miðflokkinum, Jenis av Rana og Bill Justinussen, geva hesi útsøgnini hjá Kaj Leo Holm Johannesen sín stuðul á facebook.

Aksel V. Johannesen, løgmaður hevur tó eina aðra fatan av støðuni.