Bilførarar akta ikki Landsverk

- Tað er til stóran ampa hjá gravimaskinunum tá ið fólk ikki taka boðini hjá okkum í álvara.

Tað sigur Árni Jacobsen, økisleiðari á Landsverki, í sambandi við kavarokið í gjárkvøldið.

Tá ið Landsverk umsíðir slapp fram at bilum, noyddust fólk at lata teir standa, og sløkkiliðið koyrdi tey til hús. Seinasu fólkini komu til hús um eitt tíðina í nátt.

Árni Jacobsen leggur aftur í dag dent á, at boðini frá Landsverki um koyrilíkindini mugu takast í størsta álvara.