Ongar flogbóltskvinnur á oyggjaleikunum hesaferð

Magnus Tausen, formaður í Flogbóltssambandi Føroya harmast um, at kvinnulandsliðið ikki er við á oyggjaleikunum í Gotlandi í komandi viku.

-Fíggjaligu útlitini vóru ikki til tað, og tað eru vit sera hørm um, sigur hann. Ístaðin fer kvinnulandsliðið at spæla EM-kapping í Luksembourg, ímeðan manslandsliðið fer at kappast í Gotlandi.

Fyrsti dysturin hjá flogbóltsmonnunum á oyggjaleikunum verður ímóti Grønlandi sunnudagin.

Í EM-kappingini skulu føroysku flogbóltskvinnurnar spæla ímóti Luksembourg, Skotlandi, Kyprós og Íslandi. Fyrsti dysturin er ímóti Kyprós í morgin, fríggjadagin kl.12 føroyska tíð.

Dystirnir hjá kvinnulandsliðnum kunnu stroymast umvegis heimasíðuna hjá RTL