Til Gotlands at stuðla og shoppa

Signhild Joensen er ein av okkara grovastu svimjarum, og hon hevur fleiri fjepparar við sær á oyggjaleikum.

Bæði mamma og systir hennara komu til Visby í gjár, og tær eru spentar til komandi vikuna.

Endamálið við ferðini er fyrst og fremst at stuðla Signhild og hinum svimjarunum, men umvegis google hevur Alexandra eisini funnið útav, at handilslívið í Gotlandi kann fara avstað við eitt sindur av tíðini. 

Signhild Joensen er tilmeldað í fimm kappingum umframt liðkappingunum. Hon og restin av svimjilandsliðnum byrja sínar kappingar mándagin.

Oyggjaleikirnir verða settir í kvøld, og fyrstu kappingarnar byrja í morgin.