Sjúkrahússtjórin: Arbeiðið ER farið í gongd

Tað er beinleiðis skeivt, tá ljósmøðrafelagið sigur, at onki er gjørt at loysa trupulleikarnar á føðideildini á Landssjúkrahúsinum.

Gongd er sett á arbeiðið at útvega ljósmøðrunum nýggj høli, og ein arbeiðsbólkur er settur, sum skal viðgera, hvussu samstarvið skal koma at virka aftur á føðideildini.

Tað sigur Johnny í Grótinum, stjóri á Landssjúkrahúsinum.

Heilsu- og Innlendismálaráðið gav tann 14. juli leiðsluni á Landssjúkrahúsinum boð um at loysa samstarvstrupulleikarnar á føðideildini.

Og nakrar dagar frammanundan hevði sjúkrahússtjórin boðað frá, at farið verður aftur til skipanina, sum var á føðideildini innan 1. apríl.

Men Ljósmøðrafelagið fílist á, at onki hendir, tí leiðslan á Landssjúkrahúsinum er í feriu.

TAð gjørdi forkvinnan í Ljósmøðrafelagnum, Annika B. Hoydal, greitt í tíðindunum á middegi.

Les eisini: Undrast at leiðslan er farin í summarfrí