Fegnast um at sleppa aftur til arbeiðis

Á Tvøroyri fegnast tey, nú Varðin Pelagic í gjár fekk loyvi frá kommununi at byggja nýggjan virkisbygning fyri tann, sum brann í grund tann 9. juni.

At virkið skal liggja í bygdum øki, er ikki tann stóri trupulleikin, halda tey.

Býráðið á Tvøroyri samtykti á eykabýráðsfundi í gjár at geva Varðanum loyvi at byggja virkið upp aftur. Samtyktin var einmælt.

Økið, har gamli bygningurin stóð, verður væntandi liðugt ruddað um ein mánað ella so.