Vil hava ljós á atløgubryggjuni

Atløgubryggjan á Eiðinum í Svínoy er vandamikil, tí onki ljós er.

Tað sigur Jógvan Kristin Olsen, bóndi í Svínoy.

Hann fegnast um, at ein ferjuskrái verður gjørdur, so bilferja kann leggja at, men neyðugt er eisini at bøta um trygdina við at fáa meira ljós á bryggjuna, sigur hann.

Jógvan Skorheim, borgarstjóri í Klaksvíkar kommunu, segði herfyri við útvarpið, at kommunan fer at skjóta upp fyri landsstýrinum, ar Ritan verður umbygd fyri hálvu aðru millión krónur, nú ferjuskrái verður gjørdur í Svínoy.