Fara nú at dreggja eftir bátinum

Seinnapartin fara partrolararnir Stelkur og Vesturtúgva at dreggja eftir tí, sum hildið verður at vera báturin, ið sakk í Skopunarfirði í gjáranáttina.

Brimil leitaði seinnapartin í gjár og í gjárkvøldið við einum skannara í Skopunarfirði, og helt seg síggja okkurt, sum kann verða báturin, sum farmaskipið Mykinesi sigldi á um tvey tíðina í gjáranáttina.

Tveir mans vóru í bátinum. Annar varð bjargaður, men hin er ikki komin afturíaftur.

Hilmar Johannesen, vakthavandi á MRCC, sigur, at trol verður brúkt at dreggja við.