Niðurstøða: Báðir partar høvdu skyldina

Danska skaðanevndin hevur kannað vanlukkua, tá glastrevjabáturin Mars og farmaskipið Mykines stoyttu saman í Skopunarfirði um náttina 31. august í fjør.

Niðurstøðan er, at teir á Mars sóu Mykines og snaraðu men ov seint. 

Teir á Mykinesi sóu Mars í seinna lagi til at sleppast kundi undan samanstoyti.

Báðir partar lótu ov seint við seg koma, og tí slapst ikki undan samanstoytinum.

Báðir partar skyldina

Hvørki skip ella bátur hildu siglingarreglurnar. 

Á Mykinesi vórðu egnar trygdarreglur hjá skipinum ikki hildnar.  

Tá Mykines fór úr havn var nógv at gera hjá teimum á brúnni, og tí var ikki nóg gott útkikk.  

Mykines fór av Havnini klokkan eitt um náttina, og 53 minuttir seinni var samanstoyturin. 

Veðrið var gott og klárt vanlukkunáttina.

Annar maðurin á Mars kom ikki afturíaftur.