Høgni Hoydal: Hetta er frægasta loysnin

Høgni Hoydal hevur í dag boðað frá, at hann sigur fólkatingssessin frá sær.

Magni Arge hevur boðað frá, at hann vil í løgtingið, men hann sleppur ikki í farloyvi úr Fólkatinginum sum varamaður.

Í staðin fyri at finna ein annan varamann fyri Høgna Hoydal í Fólkatingið, hevur Høgni Hoydal boðað frá, at hann sigur fólkatingssessin frá sær, so Magni Arge ikki er varamaður longur.

Er hann ikki varamaður, kann hann fara í farloyvi, tá hann vil.

Verið í báðum tingum

Síðani í summar hevur Magni Arge bæði havt sæti á fólkatingi og í løgtinginum.

Hetta er brot á vallyftið, sum flokkurin gav í 2015, og samtyktina hjá flokkinum um, at eitt tjóðveldisumboð fór ikki at at sita bæði á løgtingi og fólkatingi í senn, men at skiftast kundi ímillum við farloyvi, um talan var um løgtingsvald umboð.

Magni Arge hevur boðað frá, at hann tekur farloyvi úr løgtinginum frá í dag at rokna.

Høgni Hoydal sigur, at loysin við fóllkatingssessinum, sum er vald, er tann frægasta.

Hoyr samrøðu við Høgna Hoydal, formann í Tjóðveldi