Vil hava samgongufund um Suðuroyartunnil

Annita á Fríðriksmørk, forkvinna fyri tingmanningina hjá Tjóðveldi, vil hava málið um Suðuroyartunnilin fyri samgongufund.

Suðuroyartunnilin stendur ikki í samgonguskjalinum, men Henrik Old, landsstýrismaður, hevur biðið um pengar til forkanningar av tunlinum, og Landsverk hevur eisini gjørt eitt upprit.

Annita á Fríðriksmørk sigur, at meiriluti er helst í tinginum fyri Suðuroyartunlinum, men samgongan eigur at viðgera málið fyrst.