Sjúkrarøktarfrøðingar verða ikki tiknir í álvara

Sjúkrarøktarfrøðingarnir fara nú í verkfall, eftir at semingsroyndin millum Felagið Føroyskir Sjúkrarøktarfrøðingar og Fíggjarmálaráðið um nýggjan sáttmála endaði, uttan at partarnir náddu eini semju.

Óluva í Gong, forkvinna í Felagnum Føroyskir Sjúkrarøktarfrøðingar sigur, at sjúkrarøktarfrøðingarnir verða ikki tiknir í álvara, og tí hava tey einki annað val enn at fara í arbeiðssteðg.

Partarnir fóru hvør til sítt í gjárkvøldið. Tað eru allir narkosusjúkrarøktarfrøðingar á Landssjúkrahúsinum, Klaksvíkar sjúkrahúsi og Suðuroyar Sjúkrahúsi, sum fara í verkfall.

Víðkaða fráboðanin, sum er handað lønardeildini, kemur út seinni í dag.