Vit kunnu ikki gera tað bíligari

Á Finsen eru 33 lestraríbúðir, harav fýra eru egnaðar til fólk við rørslutarni. Talan er um 20 eitt-rúms-íbúðir upppá 30-53 fermetrar og 11 tvey-rúms-íuðir uppá 102 fermetrar.

Eitt rúms íbúðirnar kosta millum 3.300 og 5.500 krónur, og tað ber ikki til, at gera tað bíligari, sigur Andras Róin, stjóri á Bústøðum.

Tær stóru eitt rúms íbúðirnar eru 55 fermetrar og eru væl egnaðar til at fleiri búgva har. Eitt nú støk við einum barni, ella eitt par, sigur Andras Róin.

Fýra-rúms-íbúðirnar eru væl egnaðar til eina størri familju ella at tað eru trý fólk, sum velja at leiga eina íbúð saman.

Lestraríbúrðirnar eru sum so ikki bíligari enn aðrar íbúðir hjá Bústøðum - einasti munurin er, at tú skalt vera lesandi fyri at sleppa at leiga har.

Hann eftirlýsir, at landi veitir ein býlisstuðul til tey lesandi, um tað er for dýrt.

Til lestrar íbúðirnar hoyrir vaskarí við trimum vaksimaskinum og tveimum turkitrumlum. Fleiri av teimum minnu íbúðunum hava hems, og 25 av íbúðunum hava altan. Tvær lyftir eru í bygninginum.

Vit fingu orðið á Andras Róin eftir hátíðarhaldið í fríggjadagin, sum var í sambandi við at gamli Kommunuskúlin er so gott sum liðugt umvældur.

Hoyr samrøðuna omanfyri.