Nú svara sjúkrarøktarfrøðingarnir aftur

19.11.2017 - 16:43
InnlendisPolitikkur
Nú svara sjúkrarøktarfrøðingarnir aftur
- Fíggjarmálaráðharrin dugir væl at sminka tøl, sigur forkvinnan í Felagnum Fyri Sjúkrarøktarfrøðingar
0 seconds of 0 secondsVolume 90%
Press shift question mark to access a list of keyboard shortcuts
00:00
00:00
00:00
 

Fíggjarmálaráðharrin ákærir sjúkrarøktarfrøðingar fyri at seta lív í váða við at víðka arbeiðssteðgin týsdagin. Hetta vísir heilt greitt, at Fíggjarmálaráðið als ikki skilir, hvussu álvarsom støðan hjá sjúklingunum longu er. Vit kunnu ikki longur standa og hyggja at, meðan arbeiðssteðgurin rakar sjúklingin.


Soleiðis stendur at lesa í tíðindaskrivi, sum Felagið Føroyskir Sjúkrarøktarfrøðingar hevur sent miðlunum seinnapartin.


Óluva í Gong, forkvinna í felagnum, sigur, at felagið heldur fast í ætlanini, at leggja alt sjúkrahúsverkið lamið týsmorgunin:


- At víðka arbeiðssteðgin kann vónandi fáa Fíggjarmálaráðið at skilja álvaran.


- Fíggjarmálaharrin dugir væl at sminka tøl. Tað tykist, sum teirra samráðingarútspøl eru meira ætlað at geva teimum góðar yvirskriftir í miðlunum aftaná, enn til at finna semju undir samráðingunum, stendur í tíðindaskrivinum.


- Tað ljóðar av nógvum, at vit fáa bjóðað 4.000 kr. á endastignum, men tá man samstundis viskar burtur allan starvsaldur hjá okkara limum, so ganga tað 8 ár, áðrenn vit síggja hendan peningin, sigur felagið og vísir á, at talan er um manipulatión við tølum, og at tað er nakað, sum hevur merkt alla samráðingartilgongdina.


- Bæði í miðlunum og undir samráðingunum hevur Fíggjarmálaráðið borðreitt við villeiðandi tølum, og nú er nóg mikið, boðar felagið frá.

 
Er kopiera
Nýggjastu sendingar í ÚV
Fríggjadag 8. august
Vikuskiftið 8 august 2025
195400
Fríggjadag 8. august
Morgunlestur fríggjadagur 8. august 2025
195079
Hósdag 7. august
Morgunlestur hósdagur 7. august 2025
195078
Mikudag 6. august
Súrligt summar: Her er gott at vera
195307
Nýggjastu sendingar í SV
Fríggjadag 8. august
Veðrið - teknmálstulkað
195406
Fríggjadag 8. august
Dagur og vika - teknmálstulkað
195405
Fríggjadag 8. august
Veðrið
195397
Týsdag 5. august
Veðrið - teknmálstulkað
195271