Landsstýrið ætlar at forða fyri verkfalli í morgin

Enn er eingin fráboðan komin um, hvussu Fíggjarmálaráðið ætlar at forða fyri verkfallinum hjá sjúkrarøktarfrøðingunum í  morgin ári klokkan sjey. 

Felagið hjá teimum hevur boðað frá, at tá fara allir limir felagsins á øllum trimum sjúkrahúsunum til hús.

Men landsstýriskvinnan í fíggjarmálum segði, at tað verður av ongum. 

Landsstýrið hevði fund um støðuna í gjár.

Landsstýrið kann biðja løgtingið steðga verkfallinum við lóg. 

Næsti tingfundur er annars ikki fyrr enn týsdagin í næstu viku. 

Felagið føroyskir sjúkrarøktarfrøðingar vrakaði sunnunáttina eitt semingsuppskot, og so fór semingsroyndin, sum byrjaði hósmorgunin, fyri skeytið.