Smyril Line byggir út í Hirtshals

Bygningurin verður 3.350 fermetrar stórur. Brúk verður fyri 20-25 fólkum at arbeiða í nýggja bygninginum.

- Vit taka inn tær tænastur, sum vit fyrr hava útveitt til Blue Water, sigur Rúni Vang Poulsen, stjóri í Smyril Line.

Kappingin um farmin um Norðuratlantshavið er stór, men hetta styggir ikki Smyril Line burtur. 

Hinvegin styrkir Smyril Line um tænasturnar við at útbyggja í Hirtshals, og staðsetingin í Hirtshals merkir, at Smyril Line hevur betri møguleikar fyri víðari transportering, sigur Rúni Vang Poulsen.

- Við hesum so klára vit at handfara innflutningin av føroyskum fiskavørum enn betri, og vit klára at geva innflutningskundunum eina nógv betri tænastu, enn ta vit kunnu bjóða teimum í dag, sigur hann.  

Enn er óvist, um tørvur verður á fleiri skipum í flotanum. 

Hoyr samrøðu við stjóran í Smyril Line omanfyri.