Hámarkið í hjálparpakkanum er 10 mió. kr.

Stuðulshámarkið í hjálparpakka fýra til ferðavinnuna verður ikki 14 mió. kr., sum vinnan mælir til, men 10 mió. kr., sum upprunaliga lógaruppskotið sigur.

Men Ferðavinnufelagið fekk viðhald í uppskotinum um, at tá gistingarhús er nýliga útbygt, verða umsetningur og fastar útreiðslur gjørd upp fyri seg fyri nýggja partin í gistingarhúsinum.

Lógaruppskotið um hjálparpakka fýra kom í løgtingið í gjár.

Ferðavinnufelagið heldur, at tað er ikki rímiligt, at stuðulin, sum skeinkistøð fingu, tí tey vórðu noydd til at lata aftur fyrr enn vanligt, skal mótroknast í hjálparpakka fýra, tí myndugleikarnir stongdu støðini.

Men tað heldur landsstýrið vera rímiligt.

Talan er um eina millión og 32.500 kr.