Lægsta burðartal í Suðuroy í áratíggju

Tað verður longri og longri millum ljóðið av barnagráti í Suðuroynni. Kommunurnar í Suðuroynni eru nú í felag farnar at fyrireika átøk at venda gongdini.

Tørvur er á átøkum at menna fólkatalið í Suðuroynni, sigur Dennis Holm, borgarstjóri í Vági. 

Einans 40 fødd í fjør

Seinastu árini er talið á nýføddum suðringum stútt og støðugt lækkað. Og árið í fjør var eitt tað lægsta í fleiri áratíggju. Tá blivu bara 40 børn fødd í Suðuroynni, vísa tøl hjá Hagstovuni. Talan er um børn sum eru fødd á Suðuroyar Sjúkrahúsi og Landssjúkrahúsinum.

Borgarstjóranum í Vági, Dennis Holm, staðfestir, at støðan í Suðuroynni er øðrvísi enn aðrastaðni í landinum. 

Onkuntíð omanfyri 100 fødd

Nógv av árunum í 70´unum og 80´unum var nýføðingatalið oman fyri 80, og onkur ár kom tað enntá upp um hundrað.

Men seinastu 20 árini hevur burðartalið ligið millum hálvtrýss og trýss. Og higartil lægsta talið í nógv ár var altso í fjør við bara 40 børnum.

Gongdin er ørkymlandi, sigur Dennis Holm. Allar kommunurnar í Suðuroynni arbeiða nú í felag at fyrireika átøk, sum kunnu venda gongdini við barnatalinum.

Hagstovan upplýsir, at sambært skrásetingum hjá Ríkisumboðnum vóru 38 børn fødd í Suðuroy í 1978. 

Hoyr innslagið omanfyri.