Bara ein festari boðin á ástaðarfund

14.03.2018 - 16:35
InnlendisVinna
Bara ein festari boðin á ástaðarfund
Poul Adrian í Homrum og Erik Heinesen vórðu ikki hoyringarpartar á ástaðarfundinum, ið Yvirfriðingarnevndin helt í sambandi við ætlanina hjá KOKS
0 seconds of 0 secondsVolume 90%
Press shift question mark to access a list of keyboard shortcuts
00:00
00:00
00:00
 
KOKS skal eftir ætlan lata upp í húsinum hjá Betri Frammi við Gjónna.

Teir hava hava hagapartar í økinum, har matstovan skal verða. Men Poul Adrian í Homrum og Erik Heinesen vóru ikki hoyringarpartar á ástaðarfundinum, ið Yvirfriðingarnevndin helt í sambandi við matstovuætlanina hjá KOKS Frammi við Gjónna.

Tríggir festarar eru við Leynavatn Kollfarðamegin. Á ástaðarfundinum, sum Yvirfriðingarnevndin helt herfyri, var bert ein av teimum innkallaður saman við Búnaðarstovuni, har høvi varð at siga sína meining um ætlanirnar hjá KOKS at hava matstovu í húsinum hjá Betri Frammi við Gjónna.

Eitt mistak

Poul Adrian í Homrum, ið umsitur Hamrahaga, har sandurin gongur ígjøgnum, varð ikki innkallaður. Sjálvur metir hann, at hann átti eitt pláss á fundinum.

Erik Heinesen, sum umsitur Leynahaga frammanfyri húsini, har vegurin niðan til húsini fer í gjøgnum, metti seg eisini eiga ein sess á fundinum. 

Metir ikki ætlanirnar hava negativ árin

Tróndur Leivsson, stjóri á Búnaðarstovuni, sigur, at tað var ein feilur, at teir ikki vóru við, men at teir fáa møguleikan nú. 

Tróndur Leivsson sigur, at ferðslan á sandinum, ið er økið hjá Poul Adrian í Homrum, allarhelst ikki økist meir, enn hon longu er nú, men at tað sakar einki, at eisini hann sleppur framat at siga sína hugsan.

Tó er hann ikki bangin fyri, at tað fer at hava stór árin á náttúruna, tá matstovan flytir inn, tí har eru longu nógvir bilar frammanundan. Samstundis hevur KOKS lagt fram, at tað verður til dømis ikki loyvi at koma til við privatbilum, og tí verður ferðslan skipað betur, enn hon er nú.

Hoyr innslagið omanfyri. 
 

 
Er kopiera
Nýggjastu sendingar í ÚV
Mánadag 17. februar
Karl Vidtfeldt: Beri felagið í hjartanum
187908
Mánadag 17. februar
Norðurljóð 17.februar
187247
Mánadag 17. februar
Til lukku Eyðun & Atli
187881
Nýggjastu sendingar í SV
Sunnudag 16. februar
VÍF - Kyndil, menn
187840
Sunnudag 16. februar
Guðstænasta úr Havnar kirkju
187829
Leygardag 15. februar
2. hálvfinala hjá monnum: H71 - KÍF
187825
Leygardag 15. februar
H71 - Neistin, kvinnur
187824
Fríggjadag 14. februar
Dagur og vika - teknmálstulkað
187762