SAS ætlar at halda fram at flúgva til Føroya

30.03.2018 - 15:01
Innlendis
SAS ætlar at halda fram at flúgva til Føroya
Eitt ár er liðið síðani SAS byrjaði at flúgva til Føroya, og felagið ætlar at halda fram við flúgvingini til Føroya

Tað hevur gingið væl, og nú ætlar felagið at fáa somu útgerð í flogførini, sum flogførini hjá Atlatntic Airways hava, so tað verður betri at flúgva og lenda í Føroyum. Tað sigur Mariam Skovfoged, kunningarfólk hjá SAS.

SAS hevur biðið um loyvi at seta framkomnu útgerðina í flogførini sum flúgva til Førpoya, og felagið roknar við at fáa svar um tað einaferð í apríl, sigur Mariam Skovfoged, sum letur væl at fyrsta árinum sum felagið hevur flogið til Føroya.
At byrja við fleyg SAS hvønn dag til Føroya, men í vetur hevur felagið flogið tríggjar ferðir um vikuna.

Mariam Skovfoged sigur, at tey rokna við at fara at flúgva aftur hvønn dag tá summarið nærkast, og at tað verður kunngjørt í næstum. Í øllum førum ætlar SAS ikki at gevast við at flúgva til Føroya.

 
Er kopiera

Tak niður

Nýggjastu sendingar í ÚV
Mánadag 27. mai
Norðurljóð 27.mai 2024
175665
Mánadag 27. mai
Hákan valdi Páll...
175653
Mánadag 27. mai
Morgunlestur mánadagur 27. mai 2024
175632
Sunnudag 26. mai
Bolero - 26. mai 2024
175611
Nýggjastu sendingar í SV