Russiski marknaðurin avgerandi fyri Pelagos

Russiski marknaðurin hevur serligan týdning fyri Pelagos í Fuglafirði. Útivið 70% av tí, sum Pelagos útflytur, fer til Russlands.

Og tað er tað, sum stjórin Jóhan Páll Joensen fremst av øllum fyriheldur seg til í hesum døgum. 

Útflyta mest til Russland

Meðan Vladimir Putin er í stríði við vesturheimin, og grannalondini seta tiltøk í verk ímóti Russlandi, verður spurt, hvussu Føroyar sum partur av vesturheiminum eigur at fyrihalda seg til spentu støðuna. Russland er nú tað landið, sum Føroyar útflyta mest til.

Men Jóhan Páll Joensen sigur, at Pelagos kann ikki skifta marknaðir, alt eftir, hvør støðan er í heiminum.

Pelagos vil við tíðini vera minni heft av russiska marknaðinum, men tað er ikki heimsstøðan, sum er orsøkin til tað.

Hoyr innslagið omanfyri.