Føroyar skulu hava meira kunning

09.05.2018 - 12:07
InnlendisPolitikkur
Føroyar skulu hava meira kunning
Poul Michelsen og Anders Samuelsen hava í dag fundast um, hvussu Føroyar kunnu fáa fleiri trúnaðarupplýsingar á uttanríkispolitiska økinum
Anders Samuelsen og Poul Michelsen hittust í dag
Mynd: Beinta Løwe  

Føroyar og Danmark skulu finna eina loysn fyri, hvussu Føroyar kunnu fáa fleiri trúnaðarupplýsingar á uttanríkispolitiska økinum.

Poul Michelsen, landsstýrismaður, hevur javnan funnist at donsku stjórnini, tí tey eru ov pírin við at lata Føroyum upplýsingar, og Føroyar harvið onki grundarlag hava at taka støðu á.

Tá fleiri ES lond, teirra millum Danmark, vístu diplomatum av landinum, tí Russland varð sett í samband við eitt mál, har ein fyrrverðandi njósnari og dóttir hansara vórðu eitrað, valdi Føroyar onki at gera.

Tá vísti Poul Michelsen á, at hann onga kunning úr Danmark um viðurskiftini. Men nú skulu hesi viðurskifti broytast.

Poul Michelsen hevur í dag verið á fundi við danska uttanríkisráðharran, Anders Samuelsen.

- Vit eru samdir um, at har er ein leistur, sum vit kunnu brúka. Tað er við, at vit upp á ein ella annan máta gera eina avtalu um, hvussu vit - í trygdarspurningum - kunnu informera hvønn annan (...) Soleiðis at føroyska Landsstýrið fær informatiónirnar gjøgnum eitt góðkent ráð, sigur Poul Michelsen millum annað um úrslitið av fundinum við danska uttanríkisráðharrinum. 

Anders Samuelsen er samdur og sigur seg skilja, at føroyingar gjarna vilja hava fleiri upplýsingar í málum, sum ávirka landið. 

- Tað royna vit nú at fáa í lag, soleiðis at vit kunnu finna nakrir leistir fyri, hvussu vit gera tað betri í framtíðini, sigur Anders Samuelsen, uttanríkisráðharri í Danmark. 

 
Er kopiera

Tak niður

Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584
Mikudag 27. mars
Frætt og fregnað 1 (2:3)
40585
Mikudag 27. mars
Frætt og fregnað 1 (3:3)
172858