Flugueitrið kemur í morgin. Ovnurin í næstu viku

11.05.2018 - 13:00
AktueltSamfelag
Flugueitrið kemur í morgin. Ovnurin í næstu viku
Nýggi ovnurin hjá IRF verður klárur í næstu viku. Tekur eitt ár at brenna ruskið, sum er ballað og goymt
Rusk verður goymt í einum grótbroti, sum er hálvan annan kilometur úr Leirvík á veg út á Hagaleiti, har sum brennistøðin er.
Mynd: Irf  

Í morgin kemur eitur til landið, sum skal brúkast til at basa flugunum í grótbrotinum á Víkarvegnum í Leirvík, har sum IRF seinastu mánaðirnir hevur goymt burturkastið.

Í seinastuni hava eisini óvanliga nógvar flugur verið í Leirvíkar bygd.

IRF sigur, at uttan at hava nakað beinleiðis prógv fyri tí, kann felagsskapurin rokna við, at flugurnar koma frá ballaða ruskinum í grótbrotinum.

Ruskið verður ballað í net og plast og goymt í grótbrotinum, til nýggi ovnurin verður klárur í næstu viku.

Og flugueitur kemur í morgin, sigur Poul Andrias Joensen, stjóri hjá IRF.

Goymt fyrr

Hann sigur, at IRF hevur goymt ballað rusk fyrr í grótkastinum á Víkarvegi.

Sambært kanningum hjá IRF, er trupulleikin við flugum eisini aðrastaðni, har ballað rusk verður goymt á henda háttt, eitt nú í Gøtuborg í Svøríki. 

Har bleiv flugan bast við hesum eitrinum, sum royndist serstakliga væl. 

IRF hevur heitt á skaðadjóratænastuna í Eysturkommunu um at hjálpa við at basa flugunum.

Flugan, sum er í Leirvík, er ikki tann flugan, sum vanliga er at síggja í Føroyum, sigur Poul Andrias Joensen. 

Hann sigur, at hendan flugan hevur fyrr órógvað tey í IRF.

 
Er kopiera

Tak niður

Nýggjastu sendingar í ÚV
Týsdag 25. januar
Morgunlestur týsdagur 25.januar 2022
133936
Mánadag 24. januar
Við Tórði á túri í Svínoy (1:2)
134512
Mánadag 24. januar
Nón 24. januar 2022
134509
Mánadag 24. januar
Norðurljóð 24.januar 2022
134388
Mánadag 24. januar
Gjógvin fer vónandi at minka
134501
Nýggjastu sendingar í SV
Mánadag 24. januar
3-2
134528
Sunnudag 23. januar
Hvør veit?
134453
Sunnudag 23. januar
Andakt við Sólfríð Heinesen
134450
Sunnudag 23. januar
Guðstænasta úr Vesturkirkjuni
134455
Fríggjadag 21. januar
Lyst 47
134249