306.000 tons av svartkjafti fiskað

Nú vertíðin eftir svartkjafti er av á hesum sinni, hava føroysku skipini fiskað 306.000 tons, vísir ein uppgerð hjá Vørn.

262.000 tons eru landað í Føroyum, og 44.000 tons eru landað uttanlands.

Heildarkvotan av svartkjafti í ár er 493.000 ton.

Sløk 100.000 tons eru latin í býti við onnur lond, so føroysku skipini eiga góð 393.000 tons.

50.000 tons eru seld á uppboðssølu umframt 18.000 tons, sum eru seld sum eitt ára rættindi.

Havsbrún í Fuglafirði tekur ímóti meginpartinum av svartkjaftinum, og virkið hevði sítt besta ár í fjør, sigur Odd Eliasen, stjóri.