Sjúrður fer nú at ala rognkelsi í Svínoy

bannari
03.07.2018 - 13:34
InnlendisVinna
Sjúrður fer nú at ala rognkelsi í Svínoy
Alingin fer fram í gomlu smoltstøðini í oynni, og gevur arbeiði til 5-6 ársverk, sigur Sjúrður Jacobsen, stigtakari
0 seconds of 0 secondsVolume 90%
Press shift question mark to access a list of keyboard shortcuts
00:00
00:00
00:00
 
Smoltstøðin í Svínoy varð bygd í áttatiárunum. Nú skal hon brúkast til at ala rognkelsi

Í heyst verður farið undir at ala rognkelsi í Svínoy. Virksemið verður í gomlu smoltstøðini í bygdini, sum Sjúrður Jacobsen keypti frá Bakkafrost fyri góðum tveimum árum síðani. Arbeiði verður til eini fimm ella seks fólk.

-Í fyrstu at løgu er ætlanin at ala eina millión fiskar, sigur Sjúrður Jacobsen, sum hevur fingið tilsøgn um loyvi at ala rognkelsi á landi.

Rognkelsi er ein lítil fiskur, sum etir lús av laksi. Og marknaður er fyri hesum í Føroyum, sambært Sjúrði Jacobsen. Verður alivinnan í Føroyum samanborin við alivinnuna í Norra, sum hevur brúkt rognkelsi í nógv ár, so kann tørvur vera á umleið trimum milliónum rognkelsum at eta lús av laksi í aliringunum herheima.

Sjúrður Jacobsen hevur higartil verið meira ella minni einsamællur við síni rognkelsi-verkætlan í Svínoy. Nú øll loyvi eru komin undir land, skulu íløgur gerast í eina pumpustøð, sum kann pumpa sjógv upp í kørini á smoltstøðini. Eisini skal útgerð keypast til at reinsa sjógvin. Samlaða íløgan er sambært Sjúrði Jacobsen 2-3 milliónir krónur. Nú skal stigtakarin hava ein ella fleiri íleggjarar uppí, og tað hevur Sjúrður Jacobsen góðar vónir um at fáa. Og so verður annars farið ígongd.

-Eg vænti at seta fyrsta yngulin í kørini í heyst, sigur Sjúrður Jacobsen, sum fær yngulin antin frá Fiskaaling í Nesvík ella úr Íslandi. 

Rognkelsis-alingin í Svínoy gevur, sambært Sjúrði Jacobsen, arbeiði til millum fimm og seks ársverk.

Sjúrður Jacobsen er sonur Bjarna Jacobsen, sum bygdi smoltstøðina í Svínoy í áttatiárunum. Tí hevur júst henda rognkelsis-verkætlanin eitt serligt pláss í hansara hjarta, sigur hann.

 

 

 
Er kopiera
Nýggjastu sendingar í ÚV
Mánadag 28. juli
Morgunlestur mánadagur 28. juli 2025
194898
Sunnudag 27. juli
RagnarRokk: Neal Morse um Deep Water
194167
Sunnudag 27. juli
Guðstænasta í Havnar kirkju
194985
Leygardag 26. juli
Súrligt summar: Kom! Tosa!
194981
Nýggjastu sendingar í SV
Mánadag 28. juli
Upp á gólv - Ólavsøkuaftan
194992
Leygardag 26. juli
Tíðir og tankar
194978
Fríggjadag 25. juli
Veðrið
194969
Hósdag 24. juli
Motorarnir og maðurin
194948
Mikudag 23. juli
»Havsins andadráttur«
39571