- Trívist best, tá okkurt hendir rundan um meg

Heiðrik á Heygum er sera íðin í tónleikinum. Í løtuni er hann á konsertferð í Føroyum. Á konsertferðini varnaðist hann nakrar eyka basslinjur til sangin "Black for the Occasion", sum riggaðu sera væl. Hann fór tí at endur innspæla lagið - og gera eitt sjónbandalag til sangin. Síggj sjónbandalagið her

Hann flutti til Føroya fyri hálvum ári síðani, men eftir hansara tykki hendir tað ov lítið her á landi.

- Eg verði rastleysur, um einki hendir rundan um meg, sigur multi-listarmaðurin Heiðrik á Heygum, sum væntar, at hann um skamma stund fer at leita sær uttanlands aftur. Men hann stendur tó fast við, at hann altíð fer at venda aftur til Føroya - av og á.

Heiðrik hevur verið virkin innan nógvar listagreinar, og í løtuni er tað tónleikurin, ið fyllir mest. Eftir hansara tykki ber ikki til at býta listagreinarnar upp, tí tær hoyra saman.

- Tá eg síggi myndir, tá hoyri eg tónleik - og tá eg hoyri tónleik, síggi eg myndir, sigur Heiðrik á Heygum.

Summartímin fríggjadag 6. juli