EB/Streymur-Skála kvinnur í Champions League

12.08.2018 - 15:20
ÍtrótturFótbóltur
EB/Streymur-Skála kvinnur í Champions League
Føroysku kvinnurnar hava spælt tveir dystir higartil. Týsdagin taptu tær 3-0 móti NSA og fríggjadagin taptu tær 7-0 móti Gintra.

Kvinnuliðið hjá EB/Streymi-Skála spælir í hesum døgum fyri fyrstu ferð í evropeisku meistarakappingini Champions League.

Tær eru í bólki við Gintra úr Litava, NSA úr Bulgaria og FC Honka úr Finlandi.

Allir dystirnir verða spældir í Litava. Føroysku kvinnurnar hava spælt tveir dystir higartil. Týsdagin taptu tær 3-0 móti NSA og fríggjadagin taptu tær 7-0 móti Gintra.

Mathias Davidsen, venjari hjá EB/Streymi-Skála, sigur, at av tí at hetta er fyrstu ferð, at liðið er í Evropa og spælir, vórðu tey ikki greið yvir hvussu sterkari mótstøðu tey fóru at møta.

Hann sigur, at hóast úrslitini ikki hava verið eftir vild, so hevur tað verið ein góð uppliving fyri liðið at verða við í eini sterkari kapping sum hesari.

Seinasti dystur á hesum sinnið verður spældur í morgin tá EB/Streymur-Skála hittir FC Honka úr Finlandi.

EB/Streymur-Skála er niðast í sínum bólki og hevur mist møguleikan at spæla seg víðari.
 

 
Er kopiera

Tak niður

Nýggjastu sendingar í SV
Mikudag 10. august
Úr savninum: Urtagarðurin 6:8
143136
Týsdag 2. august
Úr savninum: Urtagarðurin (5:8)
142875
Týsdag 2. august
Úr savninum: Urtagarðurin (4:8)
142876
Fríggjadag 29. juli
Upp á gólv - á ólavsøku
142769