- Uppskotið eitt misálit

bannari
26.10.2018 - 14:12
InnlendisPolitikkur
- Uppskotið eitt misálit
Uppskotið hjá Framsókn um at útseta kvotaskipanina í eitt ár er eitt misálit á landsstýrismannin í fiskivinnumálum, sigur Jørgen Niclasen.
0 seconds of 0 secondsVolume 90%
Press shift question mark to access a list of keyboard shortcuts
00:00
00:00
00:00
 

Andstøðan eygleiðir og tekur kanska ikki so øgiliga synd í samgonguni, sum í løtuni roynir at finna stevið aftur, eftir at Framsókn aftan fyri ryggin á hinum samgonguflokkunum langaði eitt uppskot á løgtingsborðið um at útseta skiftið frá fiskidøgum til kvotur.

Uppskotið hjá Framsókn um at útseta kvotaskipanina í eitt ár er eitt misálit á landsstýrismannin í fiskivinnumálum. Tað heldur formaðurin í Fólkaflokkinum, Jørgen Niclasen.

Atferðin hjá Framsókn er tekin um, at stórar ósemjur eru millum samgonguflokkarnar um fiskivinnupolitikkin, og at Framsókn heldur seg hava fingið ov lítið burtur úr samstarvinum við Javnaðarflokkin og Tjóðveldi, halda andstøðuflokkarnir.

Stigið hjá Framsókn er eitt misálit, sigur formaðurin í Fólkaflokkinum.

Formaðurin í Sambandsflokkinum, Bárður á Steig Nielsen, heldur uppskotið frá Framsókn er eitt tekin um, at flokkurin ikki hevur kunnað framt síni hjartamál í hesi samgonguni.

Løgmaður má tryggja sær ein meiriluta sum heldur, sigur Bill Justinussen, tingmaður hjá Miðflokkinum, meðan formaðurin í Sjálvstýri, Jógvan Skorheim, heldur, at uppskotið hjá Framsókn er tekin um stóru innanhýsis ósemjuna um fiskivinnumál.

Hoyr innslagið og samrøðu við andstøðutinglimir omanfyri. 

 

 

 
Er kopiera
Nýggjastu sendingar í ÚV
Fríggjadag 9. mai
Vikuskiftið 9 mei 2025
191679
Fríggjadag 9. mai
Góðan morgun Føroyar
191642
Fríggjadag 9. mai
Morgunlestur fríggjadagur 9.mai 2025
191024
Hósdag 8. mai
RagnarRokk 8.mai 2025
190931
Nýggjastu sendingar í SV
Fríggjadag 9. mai
Veðrið
191675
Fríggjadag 9. mai
KAKUMiKS (6:7)
191658
Fríggjadag 9. mai
Dagur og vika - teknmálstulkað
191644
Hósdag 8. mai
Hondbóltur: Kosovo - Føroyar
191625