Sethús í Havn kosta í miðal 1,5 milliónir meira

29.10.2018 - 16:26
AktueltSamfelag
Sethús í Havn kosta í miðal 1,5 milliónir meira
Stórur munur er á sethúsaprísunum í Havnini og uttan fyri Havnina

Nýggjasta frágreiðingin hjá Landsbankanum um gongdina á sethúsaprísunum í Føroyum vísir, at tað er stórur munur á sethúsaprísunum í Havnini og uttan fyri Havnina.

Kosta í miðal 1,5 milliónir meira í Havn

Eini sethús í Havn kosta í miðal hálva aðru millión meira enn eini hús á bygd.

Sambært frágreiðingini hjá Landsbankanum vóru 25 prosent av húsunum, sum vóru seld í Havn, seld fyri yvir tríggjar milliónir krónur í 2018.

Eisini íbúðarprísirnir eru farnir upp í Havn, og eru í dag eitt sindur hægri fyri fermeturin enn fyri sethús.

Sethúsaprísirnir í størri bygdunum vaksandi

Hóast stóra munin á prísinum á sethúsum uttan fyri Havnina og í Havn, eru húsaprísirnir í størru bygdunum skjótt vaksandi, og seinasta árið er miðalprísurin farin úr einari millión og 65 túsund til 1 millión og 338 túsund krónur. Tað er ein hækking upp á 25 prosent frá 2017 til 2018.

Malan Johansen landsbankastjóri heldur, at sethúsaprísurin fer upp í størru bygdunum, tí útboðið í Tórshavn er ov lítið.

Bygdir, sum eru taldar við sum størri bygdir, eru: Fuglafjørður, Glyvrar, Klaksvík, Kollafjørður, Leirvík, Miðvágur, Nes í Eysturoynni, Norðagøta, Runavík, Saltangará, Saltnes, Sandavágur, Strendur, Sørvágur, Toftir og Vestmanna.

Í Suðuroy og á Sandoynni lækka húsaprísirnir.

Húsaprísir vaksa skjótari enn inntøkur

Landsbankin staðfestir somuleiðis, at húsaprísirnir hækka meira enn inntøkurnar hjá fólki í Havn. Í 2016 hækkaðu sethúsaprísirnir í Havn við 14 prosentum í mun til árið fyri, meðan tøka inntøkan vaks 5 prosent. Í ár eru prísirnir higartil hækkaðir við 8 prosentum, meðan tøka inntøkan nærum er óbroytt.

At sethúsaprísirnir hækka skjótari enn tøka inntøkan, kann vera tekin um ov stórt bjartskygni, skrivar landsbankin í frágreiðingini.

Tað vil siga, at væntanir um áhaldandi prísvøkstur á sethúsamarknaðinum, eins og lágar lániútreiðslur saman við lítla útboðnum, kunnu eggja húsarhaldum til at bjóða ein hægri prís fyri bústaðir, enn skilagott er.

Eingin greið tekin um kreppu

Harvið er vandi fyri, at tey binda seg til eina hægri skuld, enn tað er fíggjarliga ráðiligt í mun til samlaðu húsarhaldsinntøkuna.

Ein høgur skuldarfaktorur er óheppin, um rentuhækkingar skerja fíggjarliga rásarúmið so mikið, at tað gerst neyðugt at selja húsini.

Men enn eru ikki greið tekin um kreppu, sigur Malan Johansen, landsbankastjóri.

 
Er kopiera

Tak niður

Nýggjastu sendingar í ÚV
Fríggjadag 24. september
Góðan morgun Føroyar 24.09.2021
129002
Fríggjadag 24. september
Morgunlestur fríggjadagur 24. september 2021
128854
Hósdag 23. september
RagnarRokk 23.September 2021
128727
Hósdag 23. september
RagnarRokk: Dennis DeYoung um 26.East Vol.2
128720
Hósdag 23. september
LEITISSTEIN 21.09.2021
128957
Nýggjastu sendingar í SV
Mánadag 20. september
3-2
128833
Mánadag 20. september
VIDEO: Rundtúrur umborð á Jákupi Sverra
128807
Sunnudag 19. september
Guðstænasta úr Gøtu kirkju.
128771
Sunnudag 19. september
Andakt við Jógvan Zachariassen
128767
Fríggjadag 17. september
RagnarRokk Reyp 23.september 2021
128699