Landsverk: Vánalig ráðgeving orsøk til eykarokning

07.11.2018 - 12:39
AktueltPolitikkur
Landsverk: Vánalig ráðgeving orsøk til eykarokning
Projektmanglar, skeivar tekningar og ósamsvar millum tekningar og nøgdarlistar. Ewald Kjølbro peikar á BIG, tá hann skal greiða frá eykarokningum

-Vánalig ráðgeving er orsøkin til, at játtanin til Skúladepilin í Marknagili ikki heldur. 

Tað sigur Ewald Kjølbro, stjóri á Landsverki, nú tað vísir seg, at neyðugt er at játta 18,7 milliónir krónur afturat til verkætlanina. Verklagslógin sigur 635 milliónir. Men rokningin higartil sigur 653 milliónir.

Ewald Kjølbro staðfestir í sama viðfangi, at nakrar eykarokningar kunnu koma afturat, tá avtornar.

Fyri tað fyrsta er Landsverk í einum trætumáli við arbeiðstakarar um rokningar fyri tilsamans 7,7 milliónir krónur. Pengar, sum Landsverk ikki vil gjalda, og tí ikki biður um pengar til í hesum umfari.

Og harumframt kann Landsverk ikki útihýsa, at aðrar eykarokningar koma afturat teimum 18,7 milliónunum, sum longu eru staðfestar.

Afturat trætumálinum um 7,7 milliónir og møguligum eykarokningum, sum koma afturat; so liggur eitt risastórt gerðarættarmál millum Landsverk og TG Verk og spøkir. Partarnir hava krøv móti hvørjum øðrum fyri 70 til 80 milliónir.

Men í løtuni eitur samlaða rokningin fyri Skúladepilin í Marknagili also 653 milliónir.

Hoyr samrøðu við Ewald Kjølbro við at trýsta á pílin undir myndini.

 
Er kopiera

Tak niður

Nýggjastu sendingar í ÚV
Mánadag 6. februar
Norðurljóð 6.februar 2023
152034
Mánadag 6. februar
Jambalaja - nýútgávur
152061
Mánadag 6. februar
Røðari er gamalt orð fyri rógvara
152029
Nýggjastu sendingar í SV
Sunnudag 5. februar
Andakt við Niels Paula Nónstein
151993
Sunnudag 5. februar
Møti umborð á Bakkafossi
151995
Leygardag 4. februar
Ítróttafagnaðurin 2022
151988
Hósdag 2. februar
Foytar greyðir (2:3)
151840
Týsdag 31. januar
Jørðin II: Oyggjar (1:6)
119181