Veita einans undantøk til bráðfeingishjálp

Leiðslan á Landssjúkrahúsinum hevur biðið um, at ljósmøðurnar eru til staðar í sama mun, sum tá einki verkfall er, sigur Annika Hoydal, forkvinna í ljósmøðrafelagnum.

Tær hava vrakað tvær umsóknir um undantøk frá leiðsluni á landssjúkrahúsinum - í tí seinna vil leiðslan, at tær eru tvær vaktir til staðar á deildini, men tað vilja ljósmøðurnar ikki.

- Tað hava vit valt at siga nei til, tí vit eru í verkfalli, sigur Annika Hoydal, forkvinna.

Bráðfeingishjálp merkir, at bráðfeingishjálp verður veitt øllum barnakonum, sum skulu eiga, samstundis sum at ljósmóðir er til staðar, tá annar bráðfeingis tørvur er. 

Hoyr samrøðu við Anniku Hoydal omanfyri. 

Jóanis Erik Køtlum, sjúkrahússtjóri, sigur, at í samband við barnsburð er tað umráðandi at skjót hjálp altíð er tøk. Tí vilja tey hava, at ljósmøður eru til staðar á sjúkrahúsinum alla dagin.