Yvirlæknar traðka til

Verkfallið hjá ljósmøðrunum varð hert klokkan 15.00 seinnapartin, tá leiðandi ljósmóðurin eisini fór í verkfall.

Síðani verkfallið hjá ljósmøðrunum byrjaði hósdagin, hevur leiðandi ljósmóðurin millum annað tikið sær av samskiftinum við Ljósmøðrafelagið um undantøk.

Nú eru tað yvirlæknarnir í kvinnusjúkum, sum skulu loysa uppgávurnar hjá leiðandi ljósmóðurini, meðan verkfallið er, og tí rakar verkfallið nú eisini onnur øki enn føðideildina, sigur Jóanis Erik Køtlum, stjóri á Landssjúkrahúsinum.

Fleiri av vanligu uppgávunum hjá yvirlæknunum í kvinnusjúkum verða útsettar - tó ikki bráðfeingis uppgávur, sigur sjúkrahússtjórin.