Hópfígging í Vágs kommunu

13.12.2018 - 08:59
AktueltSamfelag
Hópfígging í Vágs kommunu
Vágs kommuna skal endurfíggja 29 milliónir krónur av skuld, og tað verður gjørt eftir einum leisti, sum ongantíð er royndur fyrr í kommunalum høpi.

Privatfólk og íleggjarar annars fáa nú møguleika at læna pengar til Vágs kommunu.

Vágs kommuna skal endurfíggja 29 milliónir krónur av skuld, og tað verður gjørt eftir einum leisti, sum ongantíð er royndur fyrr í kommunalum høpi.

Vágs kommuna crowd-fundar

Tað nevnist hópfígging á útlendskum máli - oftast nevnt crowd-funding. Eitt alternativ til traditionellu peningastovnarnar, har fólk antin seta pengar á bók ella taka lán.

Fyri helst fyrstu ferð nakrastaðni fer ein kommuna nú at royna alternativið.

Vágs Kommuna skal endurfíggja 29 milliónir krónur av skuld, og heldur enn at fara í bankan at læna penganar, verður lánið endurfíggjað úti hjá privatfólki og íleggjarum annars.

Sannførdur um, at pengarnir eru til staðar

Søren L. Bruhn, stjóri í Suðuroyar Sparikassa, stendur fyri ætlanini. Eigur tú nakrar krónur, so er eitt alternativ til innlánskontoina í peningastovninum at læna pengarnar til Vágs Kommunu.


Tey, sum velja at læna Vágs Kommunu pengar, fáa 0,45 prosent í rentu. Vágs Kommuna lænir pengarnar fyri 0,6 prosent í rentu. Munin, 0,15 prosent, fær Suðuroyar Sparikassi fyri ómakin. Rentan er fastlæst í trý ár.

Sambært Søren L. Bruhn er hetta fyrstu ferð í søguni, at ein kommuna fíggjar sína skuld eftir hesum leisti. 

Hóast talan er um 29 milliónir krónur so er Søren L. Bruhn sannførdur um, at pengarnir eru til staðar.

Og stjórin í Suðuroyar Sparikassa, sum í hálvt triðja ár hevur bjóðað hópfígging/crowd-funding, sær stórar møguleikar - ikki minst nú ein kommuna roynir henda alternativa fíggingarleistin.

 
Er kopiera

Tak niður

Nýggjastu sendingar í ÚV
Hósdag 29. september
LJóarin 29. september 2022
145540
Hósdag 29. september
Óhoyrt 42: Ne-Yo, good vibes og
145534
Nýggjastu sendingar í SV
Mánadag 26. september
3-2
145358
Sunnudag 25. september
Sangmøti í Ebenezer.
145276
Sunnudag 25. september
Andakt við Palla Petersen
145275
Mánadag 19. september
3-2
145026
Sunnudag 18. september
Andakt við Karinu Magnussen
144956