Prísurin er minkaður nógv men ikki veiðigjaldið

Hóast prísurin á sild er lækkaður niður í helvt, so verður veiðigjaldið tað sama næsta ár, 75 oyru fyri kg.

Tað mæla samgonguumboðini í Vinnunevndini til í álitinum, sum varð lagt fyri tingið í gjár, eftir stutta viðgerð í nevndini.

Andstøðan, sum hevur meirilutan í nevndini, mælir frá at samtykkja uppskotið.

Andstøðan í Vinnunevndini sigur í álitinum, at eftir nýggjár verður uppskot lagt fyri løgtingið, sum ásetur meira rímilig veiðugjøld.

Samgonguumboðini mæla til at tað verður hildið gjølla eyga við prísunum, so gjaldið er rímiligt í mun til virðið á tilfeinginum.

Arbeitt verður framvegis við nýggju veiðigjaldslógini, og samgonguumboðini siga seg vóna, at samlaða polittiska skipanin fæst at innføra eitt betri veiðigjald enn tað sum er galdandi.