Gjaldið fyri fisk úr Barentshavinum lækkaði 65 oyru eftir hoyringina

Veiðigjaldið fyri botnfisk úr Barentshavinum er lækkað 65 oyru, úr 2,16 kr. niður í 1,51 kr.

Men annars eru veiðigjøldini tey somu, sum vóru í uppskotinum, ið varð sent til hoyringar.

Uppskotið um veiðigjøld kom í løgtingið í gjár.

Veiðigjøldini fyri uppsjóvarfisk koma í gildi 1.august. Heystgýtandi sild og lodna eru komin aftrat. Fyri botnfisk kemur veiðigjaldið 1.januar.

Fíggjarmálaráðið metir meirinntøkuna av broyttu gjøldunum at vera 75 mió. kr. 

Kommunufelagið

Landsstýriskvinnan í fíggjarmálum skal gera reglur um, hvussu inntøkurnar frá veiðigjaldinum verða býttar millum kommunurnar.

Kommunur fáa 8-10 mió. um árið

40 mió. kr. stava frá, at undantakið fyri makrelin hjá heimaflotanum verður strikað. 

Tvey prosent av veiðigjøldunum fara til kommunurnar, sum fáa átta til 10 mió. kr. um árið.

Landsstýriskvinnan ásetir reglur um, hvussu inntøkurnar frá gjaldinum verða býttar millum kommunurnar.

Býtið verður ásett eftir, hvussu partafelagsskatturin minkar í teimum kommunum, sum fáa minni partafelagsskatt, tí veiðigjøldini vera broytt.