Heðin: Trýstið á politisku skipanina bleiv stórt

-Trýstið á løgting og landsstýrið av byggimálinum Glasir bleiv nú somikið stórt, at neyðugt var at gera okkurt.

Tað sigur Heðin Mortensen, sum á middegi í dag koyrdi Ewald Kjølbro, stjóra á Landsverki, til hús.

Ewald Kjølbro er leysur úr starvi sínum frá í dag at rokna. Hann fær stjóraløn í eitt ár, nú hann er koyrdur frá.

Heðin Mortensen sigur, at hann fer at útnevna ein fyribilsstjóra fyri Landsverk í morgin ella ovurmorgin, og eftir nýggjár verður lýst eftir nýggjum stjóra til Landsverk. 

Ewald Kjølbro, nú fyrrverandi stjóri á Landsverki, vil ikki gera samrøðu við Kringvarpið ídag.

Heðin Mortensen var beinleiðis í tíðindunum klokkan 15. Hoyr samrøðuna, ið Beinta Løwe gjørdi við landsstýrismannin, við at trýsta á pílin undir myndini.