- Tíðindi, mentan og ítróttur
- Larmur má takast í álvara
Tíðin er komin, at landsmyndugleikar og kommunur fara at kanna, hvussu forðast kann fyri, at gangur frá vinnu og ferðslu er til ampa fyri fólk. Tað sigur Pál Weihe, arbeiðsmedisinari.
- Gangur kann ávirka tín náttarsvøvn, og tá náttarsvøvnurin verður ávirkaður, so kann tað fáa aðrar heilsuligar avleiðingar sum til dømis hægri blóðtrýst, sigur Pál Weihe.
Hann vísir eisini á, at nógvar kanningar eru gjørdar í øðrum londum av larmi frá ferðslu, og tær vísa greitt, hvussu fólk hava tað, sum búgva í økjum, har nógvur larmur er. Tí má larmur takast í álvara, sigur hann.
Ein kanning, sum Umhvørvisstovan hevur gjørt saman við Tórshavnar havn í Kollafirði, vísir, at gangurin frá bilum í økinum á Langasandi í Kollafirði, er upp í 69 desibel.
Tað er væl oman fyri tað, sum heimsheilsustovnurin hevur sett sum mark. Og tað er ov nógv, sigur Pál Weihe.
- Um tú hevur so nógvan larm í einum húsum, sum liggja tætt við vegin, so kann tað ávirka heilsuna á ein negativan hátt, sigur Pál Weihe.
Hoyr samrøðuna við Pál Weihe omanfyri.
Tak niður
Sí eisini