Klagur um gang frá skipum sendar myndugleikunum

Gangur frá skipum órógvaði jólafriðin í Tórshavn, Klaksvík, Runavík og Fuglafirði. 

Tað sigur felagið Heimafriður, sum hevur fingið dulnevndar klagur um gang frá skipum, og hevur sent klagurnar víðari til avvarðandi myndugleikar og kommunur. 

Nevndin í Heimafriði hevur skipað seg. Trina Eysturoy er forkvinna, Theodor E. Johannesen er næstformaður og Sylvia Thomsen er kassameistari og skrivari.

Hini í nevndini eru Theresa Jákupsdóttir og Niels Midjord.

Nevndin samtykti á sínum fyrsta fundi at fara undir kanningar, og hon fer at biðja kommunurnar um innlit í tí sambandi. 

Nevndin ætlar eisini at kanna, hvørjar lógir um larm eru galdandi í grannalondum okkara.

Nevndin í Heimafriði vil harafturat hava at vita, hvørjar havnir í Føroyum hava umhvørvisgóðkenning.