Landsverk sigur (aftur) ósatt

bannari
23.01.2019 - 16:21
AktueltSamfelag
Landsverk sigur (aftur) ósatt
Landsverk sigur, at Landsgrannskoðarin heimilaði munnligum avtalum í sambandi við verkætlanina Glasir. Tað er ikki rætt, sigur landsgrannskoðarin.

Ewald Kjølbro verður koyrdur frá sum stjóri á Landsverki í desember. Ein av orsøkunum til, at politiska skipanin ikki longur hevur álit á Ewald Kjølbro er, at hann sambært Fíggjarnevndini ikki hevur veitt sannar upplýsingar í málinum um byggigøluna í marknagili.

Árant Andriasson verður settur sum nýggjur stjóri 7. januar, men longu viku seinni, 15. januar, er aftur galið við upplýsingini frá Landsverki.

Tá sendir Landsverk skriv til Samferðslumálaráðið, har greitt verður frá, at beint undan avhendan vóru bara munnligar avtalur gjørdar. Landsgrannskoðarin heimilar slíkum framferðarhátti, skrivar Landsverk.

Men hetta vil Landsgrannskoðarin ikki hava sitandi á sær.

- hatta er ikki rætt. Landsgrannskoðanin heimilar ikki nakað sum helst, og sum ein meginregla eiga skrivligar avtalur altíð at gerast, tá ið tað almenna skal keypa eitthvørt arbeiði frá einum undirveitara, sigur Landsgrannskoðarin í stuttari viðmerking.

 
Er kopiera

Tak niður

Nýggjastu sendingar í ÚV
Nýggjastu sendingar í SV
Hósdag 30. mars
Grønjakkar í Havn
154887
Sunnudag 26. mars
Guðstænasta úr Sjóvar kirkju
154691
Sunnudag 26. mars
Andakt við Árna Joensen
154684
Fríggjadag 24. mars
Veðrið 24. Mars
154636