Nógv hava framvegis ikki kommunulækna

Millum 1.100 og 1.200 fólk í Tórshavnar kommunu hava ikki egnan kommunulækna í løtuni, og tað hava fólkini ikki havt í minsta lagi eitt ár. Tey eru í eini læknaeind fyri seg, men hvørki lækni ella høli eru til tey.

- Vit bíða eftir hølum til læknaviðtaluna, sigur Egil á Bø, stjóri í Heilsutrygd.

Heilsutrygd sigur, at støðan við kommunulæknum í Føroyum er batnað seinastu árini. Í løtuni eru 34 viðtalur í Føroyum, og 24 læknar eru í føstum starvi. Til samanberingar vóru 17 kommunulæknar í føstum starvi í mars 2017.