Fólkatingsval verður mikudagin 5. juni, Grundlógardagin. Landsverk, Politiið, Ráðið fyri Ferðslutrygd og Kommunufelagið hava sent eina felags áheitan út til fólk, sum fara at heingja valplaktir upp.

Tað eru nakrar reglur um, hvussu, hvar og nær ein kann heingja valplaktir upp.

Plakatirnar mugu ikki hanga í rundkoyringum og ferðsluoyggjum, tær mugu ikki órógva útsýnið hjá bilførarunum, og tær mugu ikki fjala ferðsluskelti o.a.

Annars kunnu tær hanga allastaðni, um tær hanga hægri enn 2,30 metrar uppi yvir gongubreytini og minst hálvan metur frá vegjaðara ella tríggjar metrar frá súkklubreytum.

- Vinaliga, hugsið tykkum um og setið plakatirnar eitt hóskandi stað, so tær ikki eru til ampa fyri ferðsluna, sigur Lovisa Petersen Glerfoss, stjóri í Ráðnum fyri Ferðslutrygd.

Valplakatin sjálv skal festast væl á eina plátu, og mann skal týðiliga síggja, at tað er ein valplakat, og hon má ikki skyggja ella líkjast einum ferðsluskelti.

Valplakatir eru loyvdar frá fjórða leygardegi undan valdegnum til fýra dagar eftir vali.

Fólkatingsvalið verður 5. juni.