Bráðfeingislistin á gáttini

Tá landsstýrið kunngjørdi bústaðarpakkan í desember, var eitt av átøkunum ein bráðfeingislisti til tey, sum eru í bráðfeingis bústaðarneyð.

– Vit eru á gáttini við eini loysn, sigur landsstýriskvinnan í almannamálum, Eyðgunn Samuelsen.

Leiðarin í Kvinnuhúsinum vísti fyrr í vikuni á trupulleikan av, at eingin hevur ábyrgd av at hýsa teimum, sum mangla ein bústað, og hetta hevur fyrr havt við sær, at Kvinnuhúsið hevur verið fult.

Hesin bráðfeingislistin kann vera ein loysn uppá tann trupulleikan, sigur landsstýriskvinnan.