Rætturin at ganga í haganum skal tryggjast

24.05.2019 - 18:34
AktueltSamfelag
Rætturin at ganga í haganum skal tryggjast
Politiski myndugleikin noyðist at tryggja rættin hjá føroyingum at njóta egnu náttúru, heldur Hagafelag Føroya

Tak niður

Á middegi bórust tíðindini, at í framtíðini skulu fólk rinda fyri at ganga út á Lógv í Saksun.

André Kruse, festari, er farin undir at seta portur upp við vegin, og har skulu fólk rinda við gjaldskorti, áðrenn tey fara út á Lógv.

Og her verður eingin munur gjørdur á føroyingum ella ferðafólkum. 

Rætturin skal tryggjast

Hetta hevur fingið ilt í Hagafelag Føroya, sum virkar fyri rættinum hjá føroyingum at fara í hagan.

Rúna Hjelm, forkvinna í Hagafelag Føroya, heldur, at tað, ið hendir nú, ger seg inn á nøkur grundleggjandi rættindi hjá føroyingum.

Vilja hava okkurt burturúr

Sambært André Kruse, festara í Saksun, eru ferðafólkini so nógv, at okkurt má gerast. Fyri at sleppa út á Lógv í Saksun, er neyðugt at ganga ígjøgnum festið hjá honum, og hann vil hava nakað burturúr teimum ferðandi.

Og júst tað fíggjarliga er ein kjarnutrupulleiki í stríðnum millum bøndur og hagafólki, heldur Rúna Hjelm, forkvinna á Hagafelgi Føroyum.

Tíðin er búgvin, at politiski myndugleikin byrjar at taka tvístøðuna í álvara.

 
 
Nýggjastu sendingar í ÚV
Hósdag 21. november
Katrin Sørensen er gestur í Dansivali
101296
Hósdag 21. november
Áðrenn Elvis: Gleði og kæti
101291
Hósdag 21. november
Góðan morgun, Føroyar 21. november 2019
101286
Hósdag 21. november
Bókasin skuldi heldur verið bókarit
101285
Hósdag 21. november
Morgunlesturin hósmorgunin 21. november 2019
101109
Nýggjastu sendingar í SV
Sunnudag 17. november
Møti úr Vón í Skopun
101160
Leygardag 16. november
Andakt við Jørgen Andreasen
101148
Mánadag 11. november
3-2
100936