Bygginevndin betri grundarlag at meta barnaheimið

Bygginevndin hevur nú fingið nógv betri grundarlag og eisini stundir at gera metingar um barnaheimið, sum nú kostar 135 mió. kr. og ikki 85, sum áður mett.

Ein orsøk er til hægra prísin er, at fermetraprísurin er farin úr 20.000 upp í 25.800 kr.

Eftir fyrstu viðgerð í løgtinginum, sum var í oktober í fjør, fór málið í Fíggjarnevndina hjá løgtinginum. 

Málið kom ikki úr aftur nevndini, áðrenn løgtingið fór í summarfrí í mai, tí bíðað varð eftir skipanaruppskotinum. 

Landsstýriskvinnan í almannamálum hevur nú fingið skipanaruppskotið, og sambært tí kann verkætlanin kosta 135 milliónir krónur. 

Men málið verður ikki avgreitt í hesum valskeiðinum. 

Eyðgunn Samuelsen, landsstýriskvinna, hevur givið bygginevndini boð um at steðga á við tilgongdini at byggja barnaheimið.