Fekk hugin aftur at spæla tónleik á G! Festival

Leygardagin verður Tórsfest í gongugøtuni í Havn. Ein av teimum, sum spælir, er Saint Kodiak. Kanska ikki kendasta navnið.

Navnið handan kunstnaranavnið er ei heldur nakað, ið føroyingurin kennir - Gunnar Holm-Lintermann. Men persónin kenna tey flestu.

Vann Stjerne for en aften

Í 2003 - árið eftir at Guðrun Sólja hevði vunnið kappingina - vann Gunnar Mikkelsen sangkappingina Stjerne For En Aften.

Árið eftir gav hann fløgu út og hittaði við lagnum Haunted Honeymoon; men síðani hevur hann hildið ein steðg, fingið sær eina borgarliga universitetsútbúgving, blivin pápi, blivin giftur, skift eftirnavn - og so hevur hann knappliga fingið hugin aftur at spæla.

Summartímin fekk eitt prát við Gunnar, sum hevur føroyska mammu og búði eitt stutt skifti í Havn sum barn.

Vit spurdu hann, hvussu tað kennist at koma aftur til annað heimlandið at spæla.