Strandfaraskip Landsins meldað til løgregluna

07.09.2019 - 16:16

Innlendis›112

Strandferðslan er meldað til løgregluna fyri brot á fólkaflutningsskylduna og revsilógina

Aktivera javascript

Umleið 40 fólk vórðu hildin umborð á Ternuni í góðar fimm tímar sunnudagin 1. septembur, tá nólsoyingar høvdu mótmælistiltak á bryggjuni í Nólsoy. Ósemja er nú um, um rætt varð farið fram ella ikki.

Mynd: Savnsmynd

Ein av stigtakarunum til mótmælistiltakið um Nólsoyarsiglingina herfyri leggur Strandferðsluna undir at hava brotið revsilógina við í fleiri tímar at hava hildið ferðafólki umborð á Ternuni sunnudagin 1. september, og fyri at hava brotið sína lógarásettu flutningsskyldu við at nokta at sigla til Nólsoyar dagin eftir mótmælistiltakið.

Nikolaj Falck hevur fingið at vita frá løgregluni, at málið er latið ákæruvaldinum til støðutakan.

Tað hevur ikki eydnast Kringvarpinum at fáa fatur á Hilmari Eliasen, stjóra á Strandfaraskipum Landsins.

Hoyr Nicolaj Falck greiða frá.