Við ongum ella uttan

05.11.2019 - 08:06
Mentan
Við ongum ella uttan
Seinastu árini er tað vorðið alt vanligari at siga 'uttan' í staðin fyri 'við ongum'. Sum til dømis 'uttan vit' heldur enn 'við ongum viti'

Hjáorðið, uttan, hevur nógvar ymiskar merkingar, og sum oftast saman við einari fyriseting. Uttan fyri, uttan á, uttan um, uttan eftir. Uttara síða, útsíða, uttarumegin.

Orðið hevur ikki verið nógv brúkt einsamalt, uttan í merkingini 'bara': eg sá ongan uttan teg.

Men seinastu árini er tað vorðið alt vanligari at siga 'uttan' í staðin fyri 'við ongum'. Við ongum viti > uttan vit, við ongum sukri > uttan sukur.

- Helst er hetta ávirkað úr donskum, og kanska eisini enskum, sigur Elin Henriksen, málkøn. 

Við ongum er vorðið knortlut
So vanligt er tað blivið at siga uttan heldur enn við ongum, at nógv eru farin at halda, at tað ljóðar løgið og knortlut at siga 'við ongum'.

Men tað er so tað eldra, og hitt er so mikið nýtt, at tað ljóðar løgið í oyrunum á nógvum.

Vit siga ikki, 'far ikki út uttan húgvu', men 'far ikki út í ongari húgvu' ella 'hattleys/-ur'.

- So tað er í finasta lagi at lýsa við mati við ongum gluten ella ongum sukri, sigur Elin Henriksen, málkøn. 

 
Er kopiera

Tak niður

Nýggjastu sendingar í ÚV
Fríggjadag 9. desember
Góðan morgun Føroyar 09. desember 2022
149185
Fríggjadag 9. desember
Morgunlestur fríggjadagur 9. desember 2022
148413
Hósdag 8. desember
RagnarRokk: Tim Bowness um Butterfly Mind
148284
Hósdag 8. desember
RagnarRokk: David Readman um Medusa
148283
Hósdag 8. desember
Góðan morgun Føroyar 08. desember 2022
149097
Nýggjastu sendingar í SV
Hósdag 8. desember
Løgtingsval 2022
149167
Mikudag 7. desember
Valfundur á Skúlatrøð, Klaksvík
149039
Týsdag 6. desember
Framsókn í Tinginum
148999
Mánadag 5. desember
Sjálvstýri í Andglettinum
148753